नेपाली ख्रीस्टीयन चर्च अल्डरर्शट

हामी विश्वास गर्दछौं:

१. एक सत्य, पवित्र र सर्वशक्तिमान परमेश्वर माथि, जो पिता, पुत्र अनि पवित्रआत्मा त्रिएक परमेश्वर हुनु हुन्छ ।

२. वहाँको प्रेम, अनुग्रह र प्रभुत्वमाथि, जसद्वारा वहाँले सृष्टि गर्नु भयो, सम्हाल्नु हुन्छ,राज्य गर्नु हुन्छ, छुटाउनु हुन्छ र संसारको इन्साफ गर्नु हुन्छ ।

३. पवित्र बाइबाल माथि, जो परमेश्वरबाट प्रेरणा भएको धर्मशास्त्र हो, जो सिकाउनलाई, अर्ती दिनलाई, सच्याउनलाई र उचित जीवन यापन गर्नलाई उपयोगि हुन्छ ।

४. प्रभु येशू ख्रीस्ट माथि जो मानव अवतार लिई संसारमा आउनु भयो। वहाँ पवित्रआत्माको शक्तिद्वारा गर्व धारण हुनु भयो, कन्य मरियम देखि जन्मिनु भयो, र पनि पाप रहित हुनुहुन्थ्यो ।

५. प्रभु येशू ख्रीस्टको उद्वारको बलिदान माथि मानव जातिलाई पापबाट छुटकारा दिनको लागि वहाँ आफै पाप बनेर हाम्रो साटो क्रूसमा मर्नु भयो र मृत्यु र पाप माथि विजय भई हामीलाई पिता परमेश्वर संग मिलाप गराउनु भयो ।

६. प्रभु येशू ख्रीस्टको पुनरूत्थान माथि वहाँ मर्नेहरूमा पहिलो फल हुनुहुन्छ । वहाँ स्वर्ग चढि जानु भएर सर्वशक्तिमान परमेश्वर पिताको दाहिने हात पट्टी बस्नु भएको छ र परमेश्वर पिता र मानिसहरूका बिचमा मध्यस्थ हुनुहुन्छ ।

७. प्रभु येशू ख्रीस्ट माथि विश्वास गर्दा र परमेश्वर पिताको अनुग्रहबाट मात्र पापी मानिसले उद्वार पाउना सक्छ भन्ने वचन माथि हामी विश्वास गर्दछौं ।

८. पवित्रआत्मा प्रभुको सेवाकाई माथि जसले हामीलाई पश्चतापमा डोन्याउदछ, नयाँ जन्मद्वारा ख्रीस्टमा मिलाप गराउदछ र हामीलाई चेलापनमा डोन्याई शक्तिशाली गवाहीहरू बन्न सहायता गर्दछ ।

९. पवित्र विश्वव्यापी मण्डली माथि र पवित्रहरूको संगति माथि।

१०. प्रभु येशू ख्रीस्टको दोस्रो आगमन माथि। वहाँले जिउदा र मरेकाहरूको न्याय गर्नलाई फेरि आउनु हुनेछ र नयाँ स्वर्ग र नयाँ पृथ्वी सृजना गर्नु हुनेछ ।